MEDIA
Futbollistët e Kosovës gjatë intonimit të himnit para ndeshjes ndaj Islandës/ Foto: FFK
Bravo Kosova! Komentet e gazetave të Shqipërisë
26 March, 2017 @12:11
Gazetat sportive ditore shqiptare, Panorama Sport dhe Sport Ekspres, në numrin e djeshëm të tyre i kanë dhënë hapësirë nga një faqe të plotë edhe ndeshjes së Kosovës, që humbi ndaj Islandës në Shkodër, 1-2.
“Bravo Kosova, por duhet pjekuri!” - ka qenë titulli i Sport Ekspres në faqen e dedikuar për ndeshjen Kosovë - Islandë, duke shtuar në nëntitull se gabimet foshnjarake kushtuan shtrenjtë.
Në anën tjetër, Panorama Sport, ka vendosur titullin “Islanda shumë e fortë, Kosova humbje me nder”, derisa në nëntitull është cekur se fitorja e islandezëve ka ardhur falë përvojës së tyre në gara të tilla.
