Pensionohet edhe Mandzukic

Sulmuesi i Juventusit, Mario Mandzukic, pas arritjes rekorde me vendin e tij, Kroacinë, në Kampionatin Botëror “Rusia 2018” ka vendosur që t’ia lëshojë vendin të rinjve.

“Të nderuar tifozë, gjithmonë kam folur më shumë në fushë sesa jashtë saj. Prandaj kësaj radhe, këto fjalë janë më të mundimshme për mua sesa shumë 120 minutëshe sprinti në fushë. Janë të vështira pasi që e di që tash është fundi dhe nuk ka kthim mbrapa pas këtyre fjalëve: Po i them lamtumirë ekipit kombëtar kroat,” kanë qenë fjalët e transmetuara të Mandzukicit në faqen zyrtare të Federatës së futbollit të Kroacisë (HNS).

Mandzukic 32 vjeçar qe 4 stinorë është lojtar i Juventusit, ndërsa për Kroacinë ka zhvilluar 87 ndeshje duke shënuar 32 gola.

Kroacia arriti historinë këtë vjet, duke arritur finalen e Kampionatit Botëror.