BASHKIMI - PRIZRENI
Arian Paçarizi / TOPSPORTI
Derbi i qytetit në “Sezai Surroi”
2 February, 2019 @10:14
Ndeshja kryesore e ditës së sotme në Superligën e Kosovës në basketboll zhvillohet në Prizren, ku mes vete përballen dy skuadrat nga i njëjti qytet, Bashkimi dhe Prizreni.
Për t’u përmendur para ndeshjes është që te kampioni në fuqi i Kosovës në këtë ndeshje debutojnë trajneri i ri Jeronimo Sarin si dhe përforcimi i ardhur pak ditë më parë Drilon Hajrizi, të cilët pritet t’i japin një shtytje skuadrës në pjesën e mbetur të sezonit.
Në anën tjetër, Prizreni sot luan për fitoren e parë ndaj Bashkimit në Superligë, pasi që në të dyja ndeshjet e luajtura në vjeshtë, fituese doli skuadra e Bashkimit.
Takimi i sotëm luhet me fillim nga ora 19:00 dhe drejtohet nga treshja e gjyqtarëve Xhelal Mumini, Elldin Uglari dhe Ngadhnjim Shabani.
