CLIPPERS - LAKERS
Kthehet Jamesi, vjen fitorja
1 February, 2019 @11:40
Los Angeles Lakers, me rikthimin e super yllit LeBron James në skuadër, e mposhti Los Angeles Clippersin me rezultat 123-120 pas vazhdimeve.
LeBron James mungoi në 17 ndeshjet e fundit të Lakersave, për shkak të lëndimit, derisa ndikimi i tij u vërejt që në ndeshjen e parë.
Kingu ishte shumë afër shifrave magjike triple-double. Ai luajti me 24 pikë, 14 kërcime e 9 asistime.
Te Clippers më i dalluari ishte Lou Williams me 24 pikë.
Kjo ishte fitorja e 27 e stinorit për Lakersave krahas 25 humbjeve që i kanë, derisa Clippersat kanë bilanc prej 28 fitoreve e 24 humbjeve.
