Porzingis kërkon largimin, bashkohet me Doncicin?

Pas super yllit Anthony Davis, edhe super ylli i New York Knicksit, Kristaps Porzingis, ka kërkuar largimin e tij nga skuadra.

Mediat amerikane kanë thënë se Porzingis dëshiron të shkojë në një skuadër ku mund të fitojë titullin kampion.

Aktualisht për yllin letonez janë të interesuara skuadrat si San Antonio Spurs, Toronto Raptors, Los Angeles Clippers, Miami Heat e Brooklyn Nets, mirëpo sipas raporteve të fundit emër serioz për marrjen e letonezit është edhe Dallas Mavericks, skuadër kjo që po provon ta shkëmbëjë letonezin bashkë me dyshen Hardaway Jr. dhe Courtney Lee me basketbollistët Dennis Smith Jr, DeAndre Jordan dhe Wesley Matthews.

Në rast se kjo ndodhë, në Mavs do të mund ta shihnim dyshen evropiane Doncic e Porzingis, që të dy si pasardhës të Nowitzkit, evropianit tjetër që ka shkëlqyre te skuadra nga Teksasi.