KERASAN PRISHTINA - PRISHTINA E RE
FOTO/ Arkiv
Derbi lokal i takoi Prishtinës së Re
17 November, 2018 @17:07
Në derbin lokal ndërmjet Kerasan Prishtinës dhe të Prishtinës së Re, doli fitues skuadra e trajnerit Alber Sylejmani, Prishtina e Re.
Prishtina e Re e mposhti kundërshtarin me rezultat 81-113.
Dion Haxhosaj shkëlqeu në këtë ndeshje me double-double prej 34 pikëve e 13 kërcime, derisa u ndihmua edhe nga Andi Spahiu me 24 pikë dhe Luftim Cikaqi me 20 pikë të tjera.
Te Kerasan Prishtina të vetmit me pikë dyshifrore ishin Endrit Berisha me 30 pikë dhe Donat Rexhepi me 26 pikë, por nuk mjaftuan për fitore.
Prishtina e Re pas tetë xhirove të zhvilluara e regjistroi fitoren e tretë, derisa kjo ishte humbja e gjashtë e Kerasan Prishtinës.
