Derbi lokal i takon Prishtinës

Skuadra e Prishtinës e ka lënë pas humbjen e xhiros së parë ndaj Dritës, duke arritur tri pikët e para të këtij stinori me fitore në derbin e kryeqytetit ndaj Flamurtarit.

Bardhekaltërit ishin më të mirë dhe më të përqëndruar se kundërshtari dhe golin e parë e shënuan qysh në minutën e 18’ të ndeshjes.

Ishte Mentor Mazrekaj ai i cili me një driblim të bukur depërtoi brenda zonës së rreptësisë, për të asistuar nga krahu i majtë drejt Mërgim Pefqelit, i cili u tregua i saktë për rezultatin 1-0.

Njëzet minuta më vonë Prishtina fitoi penallti, falë sulmuesit Basid Khalid, ndërsa nga pika e bardhë Mentor Mazrekaj shënoi për rezultatin 2-0, që ishte edhe rezultati përfundimtar i këtij takimi, që ia shkaktoi humbjen e dytë këtë stinor skuadrës së Flamurtarit.

TABELA AKTUALE

Prishtina ndeshjen e radhës e luan kundër Lirisë, derisa Flamurtari do të jetë mysafir i Dritës.