Derbi në Prizren, interesant edhe në Suharekë!

Skuadra e Edin Kërveshit, Bashkimi, pret Sigal Prishtinën në Sezai Surroi të Prizrenit. E tëra që do të mund të kërkojnë prizrenasit, pritet të jetë një ballafaqim i denjë ndaj kampionit të Kosovës, pasi që ekipi i Marjan Ilievskit, ka treguar se është duke hyrë në ritëm. 

Bashkimi shpreson, Prishtina për fitore

Bashkimi shpreson te dyshja amerikane që ende nuk ka debutuar, Tray Woodall dhe Elijah Obade. Ata nëse do të jenë 100% të gatshëm për lojë, Bashkimi do të tentojë të nxjerrë edhe më shumë nga loja. 

Sidoqoftë, bilanci i deritashëm flet për Prishtinën. Dy fitore gjatë stinorit të rregullt dhe një në Superkupë - krejt bardhekaltër. 

Të dyja skuadrat kanë pasur trajnerë tjerë në përballjet e deritashme, ndërsa sonte për herë të parë do të takohen Kërveshi-Ilievski. 

Ylli do befasinë, Peja veç fitore

Përveç Prishtinës, edhe Pejën nuk e pret një duel krejt i lehtë sonte. Ata do të jenë mysafirë të Yllit në formë të jashtëzakonshme, derisa vendorët e ekipit, në një kombinim të hatashëm me treshen amerikane, kanë filluar të tregojnë dhëmbët. 

Peja ka fituar dy përballjet e deritashme me Yllin, mirëpo tani Ylli beson më shumë në përvojën dhe lojën ekipore të saj, derisa Peja ka ndërruar thuajse të gjithë të huajt në ekip dhe kjo do të jetë paraqitja e parë e amerikanëve në fanellë verdhezi në Superligë. 

Nesër, priten duele të mëdha gjithashtu, por nga pjesa tjetër e tabelës. Trepça, me prodhime vendore 100% duhet t’i bëj ballë Besës së Pejës, që kërkon fitoren e parë në Superligë me Valentin Spaqin në krye. 

Ndërsa Kastrioti do të kërkojë të regjistrojë fitoren e dytë të stinorit ndaj Vëllaznimit, që po çalon disi. 

Rezultatet dhe Tabela aktuale

SUPERLIGA, Xhiro XVIII

INFO SHTESË: