REPREZENTUESI
TOPSPORTI/ Arian Paçarizi
Divine Myles kalon në elitën franceze
14 January, 2020 @23:51
Basketbollisti i reprezentacionit të Kosovës dhe tashmë ish lojtari i Prishtinës, Divine Myles, ka arritur marrëveshje me ekipin e elitës së basketbollit francez, Chorale de Roanne Basket.
Amerikani 23 vjeç në pjesën e parë të stinorit në Superligë ka pasur mesatare të hatashme prej 20 pikëve për ndeshje, 5.9 asistimeve dhe 4.9 kërcimeve.
Myles ka fituar titullin e kampionit me Prishtinën në stinorin e kaluar, Kupën dhe Superkupën e Kosovës.
Ai është zyrtarizuar sot si lojtar i ri i ekipit të Roannes. Ky ekip aktualisht ka bilans 6-12 në ProA të Francës dhe po lufton për të arritur në pjesën e epërme të tabelës, që dërgon në PlayOff.
