STATISTIKË
Për herë të parë në stinor, mposhten krejt kampionët në një xhiro
14 January, 2020 @22:08
Xhiroja e fundit e Superligës ka sjellë befasi të mëdha në rezultate. Befasia më e madhe ka qenë fitorja e Lipjanit ndaj Bashkimit në Prizren.
Rahoveci tashmë s’duket befasi, pasi që për herë të tretë radhazi po mposht kampionen aktuale Prishtinën këtë stinor.
Ndërsa Prizreni ka mposhtur Pejën ngushtë, ku këta të fundit erdhën si favorit me Dardan Berishën në Sezai Surroi.
E kjo ka qenë java e parë e këtij stinori, ku të gjitha skuadrat që kanë qenë kampione së paku njëherë në Superligë - të mposhten brenda xhiros!
Gjithashtu, duhet përmendur, që kjo ka qenë xhiroja e vetme ku në Superligë kanë referuar gjyqtarë të huaj, pasi që gjyqtarët e Superligës janë në bojkot ndaj FBK-së, për shkak të mospagesës së borxheve nga këta të fundit.