MAVS - WARRIORS
FOTO/ nba.com
Doncic me shokë mposhtin kampionin
18 November, 2018 @11:35
Skuadra nga Teksasi, Dallas Mavericks, arriti ta mposhtë kampionin aktual të NBA-së, Golden State Warriorsin, me rezultat 112-109.
Koshashënuesi më i mirë te Dallasi ishte talenti slloven Luka Doncic. Ai luajti me 24 pikë, 9 kërcime e 4 asistime, derisa u ndihmua edhe nga Harrison Barnes me 23 pikë të tjera.
Te Golden State Warriorsi më i dalluari ishte Kevin Duranti me 32 pikë, derisa përsëri munguan Stephen Curry, DeMarcus Cousins e Draymond Green.
Warriorsat për herë të parë këtë stinor pësuan në dy ndeshje radhazi, derisa ende gjenden në krye të Konferencës Perëndimore me 12 fitore e 5 humbje. Dallasi ka bilanc prej 7 fitoreve e 8 humbjeve deri më tani.
