Dridhet Ballkani, kupa në Prishtinë

Liga Ballkanike tashmë e ka kampionin e ri. Skuadra e Sigal Prishtinës ka arritur ta marrë këtë epitet pasi e mposhti skuadrën bullgare, Rilski, edhe në ndeshjen e dytë të finales së Ligës Ballkanike.

Në të vërtetë, vendasit ishin ata të cilët e filluan ndeshjen më mirë duke krijuar epërsi madje deri në 10 pikë (16-6), falë efikasitetit të lartë të amerikanit Tony Gugino nga vija e trepikëshave, mirëpo më pas pasoi një seri prej 6-0 e Prishtinës, për të mos lënë Rilskin ta përfundojë çerekun e parë në epërsi më të lartë se katër pikë (26-22).

Bardhekaltërit filluan ta marrin kontrollin e lojës në çerekun e dytë duke kaluar për herë të parë në epërsi me shënimin e Julius Coles nga gjuajtja e lirë, e më pas edhe për të shkuar në pushim me dy pikë epërsi (36-38).

Dominimi i lehtë i Prishtinës vazhdoi edhe në dhjetëminutëshin e tretë, derisa dështimet e shumta nga tentimet për tre pikë, nuk lejuan të krijohet epërsi më e lartë përballë bullgarëve, megjithatë djelmoshat e trajnerit Marjan Ilievski arritën të krijojnë epërsi dyshifrore gjatë çerekut të katërt, duke siguruar fitore të madhe midis Bullgarisë, derisa në minutat e fundit të ndeshjes në palestrën Samokov ku u zhvillua ndeshja ndëgjoheshin vetëm brohoritjet e tifozëve nga kryeqyteti, Plisat, të cilët kishin udhëtuar për ta përkrahur ekipin e zemrës.

Jordan Hulls ishte koshashënuesi më i mirë në fitoren historike të Prishtinës me 22 pikë, derisa Julian Mavunga shtoi 16 sosh, në anën tjetër, amerikanët e Rilskit Gugino dhe Taylor ishin më të mirët duke shënuar nga 25 pikë, përkatësisht 15.

Statistikat individuale te Rilski

Statistikat individuale te Sigal Prishtina