Drita në krye me fitore në derbin e madh

Dritën nuk ka arritur ta ndalë as derbi i madh i Anamoravës për t’iu larguar kreut. Ekipi i Ardian Nuhijit ka shënuar dy herë në pjesë të parë të ndeshjes për t’i dhënë fund dilemave të fituesit, derisa Gjilani i Bylbyl Sokolit vazhdon krizën e rezultateve pranverore në Superligë. Borozani.com

Drita fitoi sot 2-0 [Hamdi Namani 11, Ardian Limani 40] me një dominim në pjesë të parë të ndeshjes, ku përveç golave pat edhe disa raste të mira, të cilat nuk u finalizuan mirë nga lojtarët. Të dyja golat e Dritës erdhën ngjajshëm, kur pas krosimeve nga e djathtë, futbollistët shënues gjendeshin shumë afër portës së mysafirëve për të tundur rrjetën.

TABELA AKTUALE

Pjesa e dytë nisi me zëvendësime te Gjilani, por hyrja e Fiton Hajdarit nuk solli fort ndryshime në lojë, pos mundësive të intelektualëve për të shënuar ende, ku Xhevdet Shabani është treguar përsëri mjaft i rrezikshëm në përballjen derbi.

Fitorja mban Dritën në krye të tabelës, përkundër se dje e kishte marrë këtë pozitë Prishtina përkohësisht. Ndërsa Gjilani tashmë do të futet në garë të ashpër për mbijetesë, pasi që ka vetëm 7 pikë më pak se Arbëria e rrezikuar.