Duhet t’i fitojmë të dobëtit e grupit

Tre pikët e fundit të fituara të Greqisë ndaj Moldavisë dhe ecuria e mbarë nën drejtimin e selektorit holandez, po vazhdon.

Sulmuesi Dimitris Limnios, në konferecën e sotme për shtyp para ndeshjes ndaj Kosovës ka qenë i qartë.

Greqia gjithmonë kërkon të fitojë dhe këtë do ta kërkojë edhe ndaj Kosovës.

Ai e ka vlerësuar Kosovën një kundërshtar të vështirë, por për të kërkuar lidershipin në grup dhe Ligën B, Greqia duhet t’i mposht ekipet e dobëta të grupit, pasi që Sllovenia është në luftë direkte me helenët për Ligën B.

“Natyrisht që jemi paksa të lodhur, por të gjitha skuadrat kanë kaluar tetor të vështirë. Përndryshe të gjithë jemi gati për ndeshje dhe me përgatitjet e fundit besoj në 100% ndaj Kosovës,” ka thënë Limnios.

TABELA, REZULTATET DHE NDESHJET

Presioni për rezultate.

“Nuk kemi presion të madh, marrim ndeshjet një nga një. Por, Kosova pritet të jetë më e vështirë se Moldavia, pasi që ata mund të rrezikojnë. Ne do të kërkojmë 3 pikët për të mbetur liderë,” ka thënë mbrojtësi i Kolnit.

Kundërshtari më i vështirë në grup.

“Nuk ka ndeshje të lehta në Ligë të Kombeve sepse fuqitë e skuadrave janë të njëjta në këtë garë. Por, nëse duhet të veçojë një ekip, atëherë mund të them se Sllovenia është më e vështira. Ne nuk guxojmë të humbasim pikë ndaj ekipeve tjera nëse dëshirojmë të luftojmë për vend të parë në grup me Slloveninë. Pikërisht për këtë, duhet të jemi në formë të mirë nesër dhe të marrim pikët e rëndësishme për ekipin,” ka shtuar ndër të tjera Limnios, që pritet të jetë startues nesër në ekipin e Johannes Van t’ Schippit.

Greqia deri tash ka shënuar 2 fitore dhe 1 barazim në grup. Helenët kanë mposhtur Kosovën në Prishtinë 1-2.