MIAMI
Bindshëm në finale
31 May, 2014 @11:26
Dominimi i Miami Heatit, në Konferencën Lindore, u vërtetua dje kundër Indiana Pacersit.
Skuadra e trajnerit Erik Spoelstra, e demoloi Pacersin, me rezultat 117-92, për të shkuar në finalen e madhe për të katërtën herë rresht.
Pas Boston Celticsit dhe Los Angeles Lakersit, në histori të NBA-së, është shkruar edhe Miami Heat, i cilit në katër vitet e fundit arriti ta shohë finalen e madhe pa mungesa.
Ndërsa në ndeshjen e fundit më të mirët ishin, LeBron James e Chris Bosh, të cilët shënuan nga 25 pikë secili.
Në anën tjetër, 29 pikët, 8 kërcimet e 2 asistimet e Paul Georgeit, nuk mjaftuan për t’a befasuar Miamin.
Miami Heat, do të pret kundërshtarin nga dueli San Antonio - Oklahoma, ku rezultati është 3-2 në të mirët të Spursit.
Video
LeBron James
