SAS-OKC
San Antonio një fitore larg finales
30 May, 2014 @11:13
Pas dy humbjeve radhazi, skuadra e trajnerit Gregg Popovich, është këndellur në mënyrën më të mirë.
Në ndeshjen e pestë të serisë, San Antonio, e turpëroi Oklahomën, duke e mposhtur me 28 pikë epërsi, 117-89.
Loja ekipore e San Antonios, po vërehet dukshëm, ngase gjastë lojtarë, arritën të shënojnë pikë dyshifrore, prej tyre më së shumti u dallua Tim Duncan me 22 e Manu Ginobili me 19 sosh.
Ndërsa në anën tjetër, dyshja Kevin Durant, Russell Westbrook, ishin të pa mjaftueshëm, të cilët shënuan 25, përkatësisht 21 pikë.
Ylli i ndeshjes Tim Duncan, beson se serinë mund ta përfundojnë në ndeshjen e gjashtë:
“Ne absolutisht besojmë se do të përfundojmë serinë, në Oklahoma në ndeshjen e gjashtë të serisë, është vend i vështirë për të luajtur, por ne do të luftojmë për të mbijetuar. Por ne e ndiejmë se do të gjejmë rrugën e duhur për të luajtur, ne do të kujdesemi për topin, do të bëjmë gjërat të cilët kemi bërë gjatë tërë serisë, nuk ka arsye për të mos fituar.”
Ndeshja e radhës do të luhet më 31 maj, në Oklahoma.
Video
San Antonio-Oklahoma
