JAVA XVI
BOROZANI / ARKIV
Dy të shtunën, dy të dielën
23 January, 2019 @10:16
Fundjavën që vjen zhvillohen ndeshjet e xhiros së XVI të Superligës së Kosovës në basketboll.
Dy ndeshje zhvillohen të shtunën, ndërsa dy të tjera të dielën, për t’u kompletuar kështu xhiroja e dytë e stinorit pranveror të Superligës.
Ndeshja e parë dhe kryesore e ditës së shtunë luhet me fillim nga ora 17:00 në Gjakovë, ku Rahoveci në cilësinë e vendasit luan përballë kampionit aktual të Kosovës, Bashkimit, kurse ndeshja tjetër e ditës luhet në ora 19:00 në kryeqytet, ku Prishtina e pret skuadrën e Lipjanit.
Të dielën, Ylli në “Minatori” i shkon Trepçës me fillim nga ora 17:00, kurse xhiroja përmbyllet me ndeshjen mes Prizrenit dhe Boreas, e cila luhet në “Sezai Surroi” me fillim nga ora 19:00.
