2 KORRIKU 2-4 FERIZAJI
E katërta radhazi, ngritja vazhdon
20 October, 2021 @15:30
Me ardhjen e trajnerit Arbnor Morina, Ferizaji nuk ka të ndalur. Me sot, rrëzuan edhe liderin e deritashëm nga vendi i parë, duke i mposhtur si mysafir për të marrë fitoren e katërt radhazi në Ligë të Parë Grupi B.
Ferizaji ka fituar në fushë të 2 Korrikut sot, 2-4 [n.n. - Egzon Shabani (2), Çlirim Kashtanjeva, Kenan Orana] në goleadën e pjesës së dytë, pasi që pjesa e parë përfundoi me barazim, 1-1.
Kjo ka qenë humbja e dytë radhazi për 2 Korrikun, që për dy xhirot e fundit humbi kreun e klasifikimit, ndërsa Ferizaji nën drejtimin e trajnerit Morina nuk ka të ndalur dhe tashmë me fitoren e sotme mbyll gjysmën e stinorit në pozitë të pestë të renditjes.
