TREPÇA - ONIX
Përmbysje në Mitrovicë, Trepça mposhtë Onixin
20 October, 2021 @15:23
Një ndeshje që dhuroi plot 5 gola dhe një përmbysje fantastike u zhvillua sot në Grupin A të Ligës së Parë mes Trepçës dhe Onixit.
Pjesa e parë e duelit u mbyll 0-2 për istogasit, e mitrovicasit shënuan tri herë në pjesën e dytë dhe e mbyllën ndeshjen me fitore 3-2.
Florent Rexhaj (37’) dhe Enis Miranaj (45’) shënuan për Onixin gjatë pjesës së parë, për ta dërguar këtë skuadër me rezultat 0-2 në pushim mes pjesëve.
E në pjesën e dytë, Trepça shënoi plot tri herë në minutat 65’, 67’ e 78’ dhe kështu e mbylli ndeshjen me fitore.
Ky rezultat bën që skuadra mitrovicase me traditë të jetë në vendin e shtatë të grupit A, kurse Onixi është i treti në grup momentalisht.
Njëkohësisht, kjo ishte xhiroja e fundit e ciklit të parë të ndeshjeve në Ligën e Parë. Tash fillojnë ndeshjet kthyese.
