Egzon Kurteshi vendimtar, Istogu mposhtë Lirinë

Me rezultat minimal 1-0 është mbyllur dueli i sotëm mes Istogut dhe Lirisë në Grupin A të Ligës së Parë.

Goli i vetëm i ndeshjes u shënua në minutën e 63’. I asistuar nga Erjon Qeta, Egzon Kurteshi i Istogut shënoi për 1-0, rezultat me të cilin u mbyll në fund ndeshja.

TABELA AKTUALE

Ky rezultat bën që këto dy skuadra momentalisht të kenë pikë të barabarta, duke u renditur në pozitat 8, respektivisht 9.

Njëkohësisht, kjo ishte xhiroja e fundit e ciklit të parë të ndeshjeve në Ligën e Parë. Tash fillojnë ndeshjet kthyese.