E qartë pse në Champions arrijmë më shumë se në Kupë ose Ligë të Spanjës

I frustruar pasi që nuk arriti finalen e Kupës së Spanjës sonte, trajneri i Atletico Madridit, Diego Simeone, ka hedhur ‘topin’ te arbitrat e ndeshjes si arsye e eliminimit të ekipit të tij në gjysmëfinale ndaj Barcelonës me këto fjalë.

“Tashmë është shumë e qartë për mua pse ne arrijmë më shumë në Ligë të Kampionëve sesa në Kupë apo në Ligë të Spanjës,” ka thënë Simeone, duke aluduar në dy finale të zhvilluara në garën më të fortë europiane në vitet e fundit.

“Ne asnjëherë nuk jemi dorëzuar në ndeshje përkundër të gjithave. Çdo lojtar ka dhënë maksimumin e tij në këtë lojë. Besomëni, po të mos luanim mirë nuk do të thoja këto fjalë, por futbolli është kështu,” ka thënë ndër të tjera Simeone në prononcimin e tij pas ndeshjes.

Atletico Madrid u eliminua në gjysmëfinale të Kupës së Mbretit nga Barcelona, pas dy ndeshjeve me rezultat të përgjithshëm 3-2.