BIBL
Ryan White (me numër 5) në akcion përballë Granit Rugovës/ BOROZANI/ Arkiv
Emër i njohur te Kozuvi
31 December, 2015 @16:09
Rivali i grupit të Sigal Prishtinës në Balkan League, Kozuv, ka bërë disa ndryshime në skuadër duke i larguar dhe i afruar disa lojtarë.
Ekipi nga Gjevgjelia ka ndarë rrugët me basketbollistët Tomcho Sokolov, Dimitar Delipetrov dhe Jason Carter, për t’i zëvendusar ata me treshen Aleksandar Radulovic, Lamont Middleton dhe Ryan White.
Ky i fundit është emër i njohur edhe për basketbollin kosovar, pasi që White më parë ka luajtur për skuadrat kosovare RTV 21 dhe Trepça, derisa gjatë stinorit 2012/13 ka qenë pjesë e ekipit të të huajve në All Star Kosova.
Kozuv aktualisht ka dy fitore dhe katër humbje në grupin A të Ligës Ballkanike, duke u renditur para Sigal Prishtinës që ka dy ndeshje më pak të zhvilluara.
