Ersan Ozseven në RTV 21

Skuadra e promovuar në BKT Superligë, RTV 21, vazhdon të punojë pa u ndalur për të arritur deri te qëllimi kryesorë, play-offi.

Teleboysat së fundi janë përforcuar me basketbollistin turk, Ersan Ozseven, i cili luan në pozitën e alos.

Ozseven është 30 vjeçar dhe 205 centimetra i gjatë. Ai është transferuar nga skuadra e ligës së dytë të Turqisë, Basket Genclik, ku ka pasur mesatare prej 5.9 pikëve dhe 5.4 kërcimeve. Përveç Basket Genclik, Ozseven ka luajtur edhe në shumë skuadra të tjera të Turqisë si Aliaga, TED Istanbul, Oyak Renault dhe të tjerë.

Sipas zyrtarit të 21-shit, Leart Hoxha, basketbollisti në fjalë është zgjedhje e trajnerit Adin Adinovic. Ai pritet të arrijë në Prishtinë sot, ndërsa nesër do t’i fillojë stërvitjet me ekipin.