KOSOVA U18
Dea Pushkolli, lojtarja më e dalluar e Kosovës U18 në kampionat/ Foto: fiba.com
Faza grupore, përfundon pa fitore
10 July, 2019 @22:37
Basketbollistet e Kosovës U18 janë mposhtur sot edhe nga Finlanda U18 në kuadër të ndeshjes së fundit të fazës grupore në Divizionin B të Evropianit për këto mosha.
Finlanda, që ka përfunduar Grupin A pa asnjë humbje ka shënuar fitore 93-37 [27-4, 22-11, 21-9 dhe 23-13] për të bërë bilancin 5-0 pas 5 ndeshjeve, derisa vajzat tona kanë përfunduar me bilanc 0-5 këtë grup.
E vetmja që ka shënuar pikë dyshifrore në këtë ndeshje për Kosovën U18 ka qenë Dea Pushkolli, që ka dhënë 11 pikë.
Sidoqotë, kampionati ende nuk ka përfunduar për Kosovën U18 aty. Tash vajzat do të luajnë ndeshjet me ekipet më të dobëta të turneut për të përcaktuar renditjen përfundimtare të pjesëmarrëseve.
Ndeshjet për pozitat 17-22 në Evropianin U18 të Divizionit B luhen të premten dhe të shtunën, kur do të përcaktohet edhe renditja përfundimtare e këtyre skuadrave.
Tabela aktuale:
| Finlanda | 5-0 | ||
| Danimarka | 3-1 | ||
| Sllovenia | 3-1 | ||
| Estonia | 2-3 | ||
| Norvegjia | 1-4 | ||
| Kosova | 0-5 |
