Fenerbahçe njoftohet me humbje

Derbi turk i takoi Anadolu Efesit. Skuadra nga Stambolli ka arritur që ta mposhtë Fenerbahcen me rezultat 89-83 duke ia shkaktuar humbjen e parë të stinorit në Euroleague.

Pjesa e dytë ishte ajo që e përcaktoi fituesin, pjesë në të cilën djelmoshat e trajnerit Ergin Ataman u treguan dukshëm më të mirë, ku epërsinë prej 16 pikëve të Fenerit, e kthyen në avantazh për ta mposhtur kundërshtarin për herë të tretë në 13 përballjet e tyre në Euroleague.

Basketbollistët më të mirë te Anadolu Efes ishin Rodrigue Beaubois me 17 pikë dhe Adrien Moerman me 15 pikë dhe 10 kërcime, derisa te Fenerbahce më i dalluari ishte Jan Vesely me 24 pikë dhe 8 kërcime.

TABELA AKTUALE

Në xhiron e pestë, Anadolu Efes përballet me Emporio Armanin, kurse Fenerbahce e pret Bayern Munchen.