Ferizaji në disiplinore pas fyerjeve ndaj trajnerit të Dukagjinit!

Klubi i Ferizajit është futur në procedurë disiplinore nga FFK-ja, konkretisht KG-ja. Kjo, pas fitores së arritur ndaj Dukagjinit në fundjavën që e lamë pas, pasi që gjatë dhe pas ndeshjes tifozëria vendase ka ofenduar në kor kryetrajnerin e KF Dukagjinit.

Përmes një njoftimi, FFK ka botuar raportin e KG-së, ku inicohet disiplinorja ndaj klubit për shkak të sjelljes së tifozëve.

“Ndaj: FC “Ferizaj“, Motivi: Lëshim në organizim të ndeshjes: Në minutën e 52-të dhe pas përfundimit të ndeshjes, tifozët vendas ofendojnë në kor kryetrajnerin e FC ”Dukagjini”. Sipas raportit të delegatit të ndeshjes Ferizai – Dukagjini,” ka shkruar njoftimi.

Atë ditë, Dukagjini u drejtua nga trajneri Ardian Basha, që zëvendësoi Ismet Munishin e suspenduar. Por, ky i fundit ishte në tribuna.

Ferizaji dhe Dukagjini janë duke luftuar për secilën pikë në kampionat, për të siguruar mbijetesën në Superligë. Ferizaji është i gjashti me 35 pikë. Dukagjini i teti me 32 pikë.