DITA E FINALES
Finalja e Ligës Unike, sonte: Ylli-Trepça
31 March, 2024 @12:23
Skuadra e Yllit që është për të tretën herë radhazi në finale të Ligës Unike është duke e kërkuar trofeun e dytë të kësaj gare, që për herë të parë po mbahet në formë turneu.
Në anën tjetër, Trepça ka siguruar për herë të parë finalen e Ligës Unike dhe me formën që ka kapur, do të kërkojë të rrëmbejë edhe këtë titull që i mungon në vitrinat e klubit.
Ylli-Trepça është finalja e Final 8 të Ligës Unike që nisi më 27 mars në Vlorë të Shqipërisë, ndërsa dy skudrat në fjalë arritën të kalojnë pengesat e tyre rrugës për të arritur në ditën e fundit të turneut dhe për të luftuar për titull.
Ndeshja nis në ora 19:00 në “Flamurtari” të Vlorës, ndërsa me triumfin e njërës palë do shpallet edhe MVP i Final 8 të Ligës Unike.
Kujtojmë, Liga Unike në dy edicionet e saja të kaluara ka pasur edhe ndeshjen për vend të tretë, por kësaj radhe Prishtina u tëroq nga garat pas mosarritjes së finales - dhe “nuk e pa të arsyeshme lojën për vend të tretë” - që teorikisht duhet t’i takojë me sot, pa lojë, Pejës.
FITUESIT:
| 2020/21 ◼ KB Ylli |
|||
| 2021/22 ◼ KB Peja |
|||
| 2022/23 ◼ Nuk u zhvillua |
|||
| 2023/24 ◼ ___________. |
