GAME 1: SUNS - BUCKS
Finalja e madhe fillon me fitoren e Suns
7 July, 2021 @9:15
Phoenix Suns, serinë e finales së madhe në NBA filloi me fitore duke e mposhtur Milwaukee Bucks me rezultat 118-105.
Epërsia në pjesën e parë të ndeshjes u ndërua 7 herë, kurse në pjesën e dytë kontrolli ishte totalisht te skuadra e Phoenix.
Chris Paul ishte ylli i ndeshjes. Ai i cili është duke luajtur finalen e parë në karrierën e tij, shkëlqeu me 32 pikë e 9 asistime. Paul u ndihmua edhe nga Devin Booker me 27 pikë dhe Deandre Ayton me 22 pikë e 19 kërcime.
Te Bucks më i dalluari ishte Khris Middleton me 29 pikë e 7 kërcime, kurse Giannis Antetokounmpo u rikthye nga lëndimi me 20 pikë, 17 kërcime e 4 asistime, por nuk mjaftoi për fitore.
Ndeshja e dytë e serisë do të luhet më 9 korrik nga ora 3:00.
