PEJA TUND PRISHTINËN
Fis-fantastiku, Peja prish serinë e Prishtinës
27 March, 2016 @21:08
Skuadra e Pejës ka dalë fituese e super-derbit të basketbollit kosovar ndaj Sigal Prishtinës sonte në “Karagaç” të Pejës.
Basketbollistët verdhezi kanë qenë të pandalshëm përkundër mungesave dhe me epërsinë e krijuar në pjesë të parë të ndeshjes kanë marshuar sigurt drejt fitores edhe në pjesë të dytë.
Ish-basketbollisti i Sigal Prishtinës, tash njeriu kryesor në Pejë, Fisnik Rugova, ka qenë i pakapshëm për bardhekaltërit sonte. Ai ka bërë double-double që në pjesë të parë të ndeshjes, ndërsa ka përfunduar takimin me 27 pikë, 15 kërcime e 3 asistime derisa disa minuta para fundit të ndeshjes u ndëshkua me pesë personale.
Alban Veseli gjithashtu ka qenë në element sonte. Veseli luajti me 19 pikë, 1 asistim e 2 kërcime, derisa Roland Davis përfundoi takimin me double-double gjithashtu (16 pikë, 12 kërcime).
Te Sigal Prishtina më efikasit sonte kanë qenë Mohamed Abukar me 16 dhe Dardan Berisha me 14 pikë të shënuara.
Kjo ka qenë humbja e parë e Sigal Prishtinës këtë vit. Gjithashtu humbjen e parë e ka pësuar edhe Antonis Constantinides pas tre muajve të plotë si trajner i bardhekaltërve.
Peja tash në Superligë ka 3 fitore ndaj Prishtinës, krahas një humbjeje ndaj tyre. Ndërsa në total këtë stinor duelet janë barazuar në 4-4.
Statistikat ekipore
| PEJA | SIGAL PRISHTINA | ||
| Çereku i parë | 20 | 16 | |
| Çereku i dytë | 24 | 19 | |
| Çereku i tretë | 21 | 26 | |
| Çereku i katërt | 29 | 19 | |
| Kërcime | 44 | 39 | |
| Asistime | 19 | 24 | |
| Bllokada | 2 | 2 | |
| Topa të vjedhur | 8 | 3 | |
| Topa të humbur | 7 | 10 | |
| Tentime për tri pikë | 13/36 (36%) | 9/29 (31%) | |
| Tentime për dy pikë | 18/37 (48%) | 18/35 (51%) | |
| Gjuajtje të lira | 19/21 (90%) | 17/22 (77%) |
Statistikat individuale te Peja
| 1 | Fisnik Rugova | 27 pikë | 15 kërcime | 3 asistime |
| 2 | Alban Veseli | 19 pikë | 3 kërcime | 2 asistime |
| 3 | Kevin Borwell | 17 pikë | 6 kërcime | 7 asistime |
| 4 | Ronald Davis | 16 pikë | 12 kërcime | 4 asistime |
| 5 | Burim Zekiqi | 7 pikë | 3 kërcime | 2 asistime |
| 6 | Leonard Mekaj | 6 pikë | 2 kërcime | 1 asistim |
| 7 | Samir Zekiqi | 2 pikë | 0 kërcime | 0 asistime |
Statistikat individuale te Sigal Prishtina
| 1 | Mohamed Abukar | 16 pikë | 6 kërcime | 1 asistim |
| 2 | Dardan Berisha | 14 pikë | 8 kërcime | 7 asistime |
| 3 | Willie Kemp | 12 pikë | 4 kërcime | 6 asistime |
| 4 | Jason Washburn | 10 pikë | 8 kërcime | 1 asistim |
| 5 | Rinor Peci | 9 pikë | 4 kërcime | 2 asistime |
| 6 | Gerti Shima | 9 pikë | 1 kërcim | 2 asistime |
| 7 | Thomas Massamba | 5 pikë | 1 kërcim | 4 asistime |
| 8 | Andrew Warren | 5 pikë | 2 kërcime | 1 asistim |
