ARBNOR RIFATI
TOPSPORTI/ A. P.
Fitoi basketbolli i Prizrenit
2 February, 2019 @21:39
Trajneri i Prizrenit, Arbnor Rifati, në deklaratën e tij pas ndeshjes të cilin ekipi e tij e fitoi ndaj Bashkimit ka thënë se në këtë duel fitoi basketbolli i qytetit.
“Ka qenë ndeshje tipike kampionale, dhe ka qenë kënaqësi të shohim kaq adhurues prizrenas të basketbollit. Ne i korrigjuam gabimet nga ndeshjet e kaluara me Bashkimin, luajtëm në mënyrë ekipore,” ka thënë Rifati për TopSporti.com pas ndeshjes.
“Definitivisht te ne ardhja e Malcolm Canadas i ka dhënë skuadrës një kahje tjetër, ndërsa falenderoj Bashkimin për lojë korrekte dhe shpresoj që sa herë këto dy skuadra takohen të ketë basketboll të pëlqyeshëm në qytet,” ka përfunduar ai.
Kjo ka qenë fitorja e parë e ekipit të Rifatit ndaj Bashkimit këtë stinor. Ndërsa me koshdallim më të mirë nga ekipet tjera me 8 fitore, Prizreni ka kërcyer në pozitë të katërt të klasifikimit.
SHIKO: TABELËN AKTUALE
