GAME 2: RAPORS - MAGIC
Fiton ndeshjen e dytë, barazon serinë
17 April, 2019 @10:03
Me dominim total që nga fillimi e deri në fund të ndeshjes, Toronto Raptors e mposhti Orlando Magicun me rezultat 111-82.
Asnjëherë gjatë ndeshjes Toronto nuk e lëshoi epërsinë që e mbante dhe me lehtësi e barazoi serinë në 1-1.
Kawhi Leonard ishte ylli i ndeshjes me 37 pikë, derisa mori ndihmë kësaj radhe edhe nga Kyle Lowry me 22 pikë të tjera. Ky i fundit ndeshjen e parë e përfundoi me 0 pikë, gjë që luajti rol në humbjen e Torontos në atë ndeshje.
Te Orlando më i dalluari ishte Aaron Gordon me 20 pikë.
Tani seria barazohet në 1-1, derisa bartet te palestra e Orlandos. Ndeshja e tretë do të luhet më 20 prill në ora 01:00 pas mesnate.
