Fitore minimale e Drenicës, katër rresht pa humbje

Me fitore të Drenicës është mbyllur dueli i sotëm mes dy skuadrave nga qytetet fqinje, Drenicës dhe Feronikelit.

Ky takim u vendos në minutat e fundit të ndeshjes, kur autogoli i Argjend Malajt ia dha fitoren 1-0 vendasve të Drenicës.

Fitorja e shënuar sot bën që Drenica tashmë të shkojë në 4 ndeshje radhazi pa pësuar humbje.

TABELA AKTUALE

Ndeshja në përgjithësi kaloi me raste shënimi për të dyja skuadrat, ndërsa përveç golit që erdhi në fund, për t’u përmendur nga ky takim është lëndimi i Genc Hamitit të Drenicës, i cili u lëndua dhe u detyrua ta lëshojë lojën në minutën e 36’.

Fitorja e shënuar sot bën që Drenica të jetë e katërta në renditje, kurse Nikli është i shtati momentalisht.

Xhiron që vjen, skuadra nga Skenderaj i shkon Gjilanit, kurse ajo nga Drenasi e pret në shtëpi Arbërinë.