ROCKETS
Fitorja e 10 rresht për Houstonin
18 December, 2016 @9:09
Houston Rockets fitoren e dhjetë radhazi e regjistroi dje kundër Minnesota Timberwolvesit, të cilën e mposhtën pas vazhdimeve me rezultat 111-109.
Super yllit James Harden, i mungoi vetëm një kërcim, për ta përfunduar ndeshjen me triple double. Ai luajti me 28 pikë, 13 asistime e 9 kërcime, derisa u ndihmua nga Ryan Anderson me 28 pikë të tjera.
Ndërsa te ujqit e Minnesotës, shpërtheu i riu Karl Anthony Towns me 41 pikë e 15 kërcime e 5 asistime, por nuk mjaftoi për fitore.
Kjo ishte fitorja e 21-të e Houstonit që i ka edhe 7 humbje deri më tani, derisa u ngritën në pozitën e tretë në Konferencën Perëndimore.
