Fitorja e dytë ndaj Bayernit, Milano i afrohet kualifikimit

Olimpia Milano është vetëm një fitore larg kualifikimit në gjysmëfinale të Play Off-it në Euroleague.

Ekipi i drejtuar nga Ettore Messina shënoi fitoren e dytë përballë Bayernit për të rritur rezultatin e serisë në 2-0.

Milano kësaj radhe shënoi fitore më të lehtë, duke triumfuar me rezultat 80-69.

Kevin Punter ishte më i dalluari në këtë fitore me 20 pikë, derisa te Bayerni u veçua pllejmekeri Wade Baldwin me 23 pikë të shënuara.

Milanos i duhet edhë një fitore për kualifikim tutje, ndërsa ndeshja e radhës do të luhet në Munich të Gjermanisë.