Fitorja e parë e Niklit, Llapi ende pa fitore

Një paraqitje mjaft e mirë dhe një fitore e merituar për Niklin ndaj Llapit sot.

Skuadra nga Drenasi takimin ndaj podujevasve e mbylli me fitore 0-2 (Dren Gashi 45+2’, Diar Prokshi 64’).

Pjesa e parë u mbyll me një gol të shënuar. Ishte Dren Gashi i Niklit ai që e gjeti golin në minutën e 45+2’, për ta dërguar skuadrën e tij me epërsi minimale në pushim.

Gjatë pjesës së parë, Llapit iu anulua një penallti nga sistemi VAR, ndërkohë që edhe ndeshja u ndërpre për pak minuta, për shkak të numrit të madh të shikuesve në stadium, që binte ndesh me rregullat ndaj mbrojtjes nga COVID. Por, problemi i shikuesve u zgjidh shpejt dhe ndeshja vazhdoi.

TABELA AKTUALE

Në pjesën e dytë, ishte përsëri skuadra mysafire ajo që e gjeti rrjetën. Diar Prokshi në minutën e 64’ shënoi për 0-2, e kështu Nikli e gjeti sigurinë për pjesën e mbetur të ndeshjes.

Në minutën e 84’ të ndeshjes, Dren Gashi i Niklit shënoi edhe një herë, mjeshtërisht me parabollë, por goli i tij u anulua nga VAR-i dhe rezultati mbeti 0-2, rezultat me të cilin edhe u mbyll ndeshja në fund.

Për Niklin kjo është fitorja e parë sezonale pas dy humbjeve të pësuara, kurse Llapi mbetet ende pa fitore sivjet.

Xhiron tjetër, Llapi e pret Malishevën, kurse Nikli luan në shtëpi ndaj Dukagjinit.