Fundosem së bashku me Titanikun

Los Angeles Lakers, prej që doli Phil Jackson nga skuadra, nuk po arrin të këndellet.

Sivjet, skuadra hollywoodiane, bëri një start katastrofal, që ishte njëkohësisht edhe starti më i dobët në histori të tyre.

Gjendja e keqe e skuadrës, nuk bëri ndonjë ndikim tek superylli Kobe Bryant, i cili është duke bërë çdo gjë për ta këndellur skuadrën, por fitoret s’po vinë.

Në një intervistë, Kobe tregoi në një mënyre qesharake besnikërinë që e kishte për skuadrën e tij:

“Nëse Lakers do ishte Titaniku, atëhere do të fundosesha me të së bashku.”

Kritikat që po i bëhen Lakersit, i pranoi edhe Nick Young dhe e bëri një autokritikë:

“Jemi duke luajtur sikur ndyrësirat, mua nuk më pëlqen, nuk e dua këtë ndjenjë, po ndihemi sikur nuk po bëjmë asgjë këtu. Unë jam një person që jetoj me ahengje/party, për këtë arsye nuk më pëlqejnë brohoritmat për të keq.”

Young gjithashtu shtoi: “Tifozët meritojnë më mirë, ne meritojmë më mirë, dua që të jem pjesë e Lakersit të fuqishëm”.

Lakers, në 21 ndeshjet e zhvilluara, arriti të fitojë vetëm pesë herë sivjet dhe gjendet kah fundi i tabelës në Konferencën Perëndimore.