Golden State deklason Spursin

Nënkampioni i NBA-së, Golden State Warriors, e deklasoi San Antonio Spursin me mungesa, duke e mposhtur me rezultat 136-100.

Spursat, pa Kawhi Leonardin dhe Tony Parkerin, nuk arritën t’i dalin ballë ndaj super yjeve të Warriorsit, derisa fituesi pothuajse u caktua në pjesën e parë të ndeshjes.

Golden State, epërsinë më të madhe e çoi deri në 41 pikë, derisa kundërshtarin nuk e lejoi që të kalojë në epërsi asnjëherë gjatë ndeshjes.

Ylli i ndeshjes ishte Stephen Curry, i cili luajti me 29 pikë, 7 kërcime e 7 asistime, derisa ishte i saktë 6 herë në 9 tentimet e tij për tre pikë.

Te Spursat, i vetmi që u dallua ishte Jonathon Simmons me 22 pikë.

SKEMA E PLAY OFFIT

Golden State Warriors, kaloi 2-0 në epërsi në seri, derisa kjo ishte fitorja e 10 e tyre gjatë Play Offit. GSW është pa humbje ende. Tani seria do të bartet në palestrën e San Antonios, ku dy ndeshjet e radhës do të luhen në AT&T Center.