Hajdic largohet nga Vëllaznimi

Marijo Hajdic, basketbollisti i Vëllaznimit, i ka dhënë lamtumirën ekipit të tij dhe Gjakovës. 

Duke i falenderuar qytetarët për mikpritjen, ai ka shkruar në profilin e tij në Facebook, se shkak nuk është lëndimi, por disa njerëz në kryesi të ekipit që nuk i kanë mbajtur premtimet, arsyeja e largimit të tij. 

Për më tepër, ai ka thënë se do të mund të luante në ndeshjen e kësaj fundjave ndaj Kastriotit. 

Sidoqoftë, tash kur edhe Hajdic ka njoftuar për largimin e tij, Vëllaznimi do të udhëtojë pak më i dobët në Ferizaj për tu përballur ndaj Kastriotit. 

Qendra kroate ka pasur mesatare prej 11.2 pikëve, 4.1 kërcimeve dhe 1.8 asistimeve për ekipin gjakovar gjatë këtij stinori në Superligë. 

Vëllaznimi gjindet në pozitën e gjashtë të renditjes tabelare në Superligë.