PËR HERË TË PARË
Harden në histori të NBA-së
1 January, 2017 @9:53
Superylli i Houston Rocketsit, James Harden, në ndeshjen kundër New York Knicskit sot hyri në histori të NBA-së.
Në ndeshjen ku Houstoni e mposhti New Yorkun me rezultat 129-122, James Harden shkëlqeu duke luajtur me triple-double me 53 pikë, 17 asistime e 16 kërcime (për herë të parë në histori të NBA-së, një triple double i bërë me së paku 50 pikë të shënuara, 15 kërcime e 15 asistime).
Ndërsa në anën tjetër, performanca e Brandon Jenningsit me 32 pikë e 7 asistime, mbeti e pamjaftueshme afër shkëlqimit të Hardenit.
Houston gjendet në pozitën e tretë në Konferencën Perëndimore me bilanc prej 26 fitoreve e 9 humbjeve.
