Humbën edhe me Steve Nashin

Rikthehet Steve Nash tek Lakers, por vazhdoi melodia e njejtë e humbjeve tek skuadra hollywoodiane.

Skuadra e dytë më e trofeshme në NBA, sivjet është në gjendje katastrofale, të cilët janë shumë larg Play Offit.

Humbjen e radhës e regjistruan kundër Minnesota Timberwovles, me rezultat 109-99. Më të mirët tek skuadra vendase, ishin Kevin Martin me 32 pikë dhe Kevin Love me 31 sosh.

Ndërsa në anën tjetër, nuk mjaftuan 24 pikët e Nick Youngut, kurse Steve Nash luajti me 7 pikë dhe i bëri nëntë asistime.

Kjo ishte humbja e shtatë me radhë e Lakersit dhe e 32-ta në përgjithësi, të cilët kanë vetëm 16 fitore dhe gjenden në pjesën e poshtme të tabelës në Koferencën Perëndimore.