I nderuar me ftesën

Trajneri i Pejës, Branimir Pavic, do të drejtojë skuadrën e të huajve në All-Star 2016 të premten.

Para ndeshjes, në konferencën e sotme për shtyp ai ka thënë se është nderuar nga FBK që ia kanë besuar këtë detyrë.

“Për mua është nder i madh që më është besuar nga Federata e Basketbollit të Kosovës udhëheqja e ekipit të huajve. Të premten do të jetë festë basketbolli. Shpresoj që palestra Minatori të jetë e stërmbushur pasi që kjo do të jetë një ndeshje atraktive me ngulitje dhe gjëra tjera interesante,” ka thënë Pavic.

LISTA E TË FTUARVE

Ndeshja e All-Star 2016 luhet të premten në Mitrovicë.