Iljazi kthehet te Bashkimi

Basketbollisti i dikurshëm i Bashkimit dhe i RTV 21, pas një aventure në Turqi, i është rikthyer ekipit të Bashkimit të Prizrenit.

Kampioni i Superligës ka bërë të ditur se ka rikthyer në radhët e veta alon Elvan Iljazi, i cili këtë stinor do të veshë fanellën portokall e zi të Bashkimit.

Në stinorin e kaluar Iljazi ka pasur mesatare prej 3 pikëve, 1.3 kërcimi dhe 10 minuta për ndeshje në ekipin e Erzurumit, ndërsa në stinorin 2016/17 si pjesë e Çankiri Demirspor ka luajtur me mesatare gati të njejtë.

ORARI I NDESHJEVE

Bashkimi ka emëruar trajner Krunoslav Krajnovic nga Kroacia, ndërsa Iljazi është përforcimi i radhës në ekip, si rikthim.

Ekipi kampion nga Prizreni, që për herë të parë në histori të klubit ngriti trofeun e kampionit të Kosovës do t’ia nis stinorit 2018/19 në përballje ndaj Yllit në Sezai Surroi të Prizrenit.

Mirëpo, para kësaj, ekipi do të përballet me nënkampionin dhe fituesin e Kupës, Prishtina, në përballjen e Superkupës së Kosovës.