DEKLARATA PAS NDESHJES
Illmen Bajra: Besuam në fitore, vendimtar komponimi i ekipit
2 November, 2019 @21:59
Trajneri i Bashkimit, Illmen Bajra, pas fitores së madhe ndaj Prishtinës në Superligë, është shprehur të jetë i kënaqur me lojtarët, ndërsa ka bërë të ditur se ekipi tashmë është komponuar dhe atmosfera është kthyer.
“Kemi besuar në fitore. Ne jemi përgatitur shumë për këtë ndeshje. Prishtina, natyrisht është gjithmonë favorite, kjo fitore mund të mbetet vetëm në letër. Por, ne jemi kthyer si ekip, jemi komponuar si ekip dhe tashmë rrugëtimi vazhdon, derisa Prishtinës i dëshiroj suksese në përballjet tjera,” ka thënë Bajra ekskluzivisht për TopSporti.com pas ndeshjes.
Bashkimi me fitore ndaj Prishtinës ka barazuar bilancin me ata në krye të tabelës në 5-2. Prishtina ka regjistruar humbjen e dytë të stinorit sonte.