MIAMI HEAT
REUTERS
James në histori, Miami fiton
6 November, 2013 @10:34
Kampioni aktual, Miami Heat, e regjistroi fitoren e tretë të stinorit mbrëmë, kundër Toronto Raptorsit me rezultat 104-95. Bashkëpunimi, James dhe Dwyane Wade, ia solli fitoren Heatit.
Dwyane Wade luajti me 20 pikë, 6 kërcime e 5 asistime, ndërsa King James, shkëlqeu me 35 pikë, 8 kërcime e 8 asistime.
MVP i vitit të kaluar, James, në këtë ndeshje hyri në histori të NBA-së, i cili radhazi në 500 ndeshje arriti të shënoi së paku dhjetë pikë, dhe u bë lojtari i pestë që arriti këtë rekord.
Skuadra e trajnerit Erik Spoelstra, ndeshjen e radhës do ta luajë kundër Los Angeles Clippers.
