KBF KASTRIOTI - KBF TREPÇA
Jeffries me 55 pikë, fitorja e dytë për Trepçën
27 November, 2021 @18:25
Ndeshja e dytë e xhiros së tetë në Ligën e Femrave, përfundoi me fitoren e Trepçës kundër Kastriotit me rezultat 27-110.
Vashat mitrovicase kaluan një ndeshje të lehtë duke dominuar nga minuta e parë e deri në fund të ndeshjes.
Kastrioti me rezultatet që po i regjistron tani më duket e “dorëzuar” në Ligën e Femrave.
Ta’Sharra Jeffries shkëlqeu te Trepça me 55 pikë, 15 topa të rrëmbyer, 9 kërcime e 4 asistime, derisa u ndihmua edhe nga Alma Muzliukaj me 31 pikë e 12 kërcime dhe Sharrai Allen me 14 pikë, 8 kërcime e 6 asistime.
Te Kastrioti më e dalluara ishte Yllza Huruglica me 14 pikë e 6 kërcime.
Trepça aktualisht ka 2 fitore dhe që të dyjat janë kundër Kastriotit dhe me 5 humbje gjendet në pozitën e parafundit, kurse Kastriotit është skuadra e vetme pa fitore në 8 ndeshjet e zhvilluara.
Në xhiron tjetër Trepça takohet me Vëllaznimin, derisa Kastrioti me Penzën.