KAMPIONET
Kampionet aplikojnë në EuroCup
13 June, 2019 @22:32
Klubi i basketbollit të femrave të Prishtinës, KBF Prishtina, ka bërë të ditur sonte se zyrtarisht ka aplikuar për pjesëmarrje në gara evropiane, FIBA EuroCup Women.
Kjo është hera e parë që një klub i basketbollit të femrave aplikon në një garë të tillë si kjo, kurse KBF Prishtina ka bërë të ditur se pas sukseseve në arenën vendore tashmë është koha për tu matur me skuadrat evropiane.
FIBA EuroCup Women, është gara e dytë me radhë për kah cilësia, pas Euroligës së femrave.
KBF Prishtina u bë kampione e Kosovës duke e mposhtur me mjaft vështirësi dhe në një seri të jashtëzakonshme KBF Bashkimin 3-2.
