Rikthim për 3-1! Tifozët e kampionit lëshojnë palestrën para fundit të ndeshjes!

Një numër i tifozëve dolën nga palestra para fundit të ndeshjes.

Zhgënjim dhe dështim.

Kampioni aktual që dukej se do të merrte lehtë titullin kampion nga Torontoja, tashmë është pranë dështimit të stinorit.

Raptors për herë të parë dolën në epërsi me treshen e Kawhi Leonard në çerek të tretë, ndërsa fundi i këtij çereku ka qenë makineri pikësh për veriorët.

Leonard në kombinim me Serge Ibakan shënuan sa mundën, për të ngritur epërsinë në 10+.

SKEMA E PLAYOFFit

Në çerekun e katërt tentim rikthimi për kampionin aktual u duk i pamundur, që po kalon stinorin e fundit në Oracle Arena.

Leonard kreu ndeshjen me 36 pikë, 12 kërcime, 2 asistime e 4 rrëmbime topi. Serge Ibaka luajti me 20 pikë, ndërsa 19 të tjera shtoi Pascal Siakam, që kontribuoi edhe me 5 kërcime.

E dyshja Steph Curry - Klay Thompson bashkë, shënuan 55 pikë! Nën mesataren e tyre. E Looney e Dray Green dhanë nga 10 secili, pamjaftueshëm për më tepër.

Golden State Warriors 92-105 Toronto Raptors. Rezultati i serisë 3-1 për Toronton, e festa në Jurrasic Park veçse ka filluar. E hershme apo e vonshme është tjetër - ajo ka filluar!