NJOFTIMI I KB RAHOVECIT
Rahoveci aplikon në Champions
13 June, 2019 @22:24
Nënkampioni i Kosovës në basketboll dhe finalisti i Kupës së Kosovës, KB Rahoveci, ka bërë të ditur sot se zyrtarisht ka aplikuar për pjesëmarrje në Basketball Champions League.
Basketball Champions League është liga më e fortë që është nën drejtimin e FIBA Europe dhe e treta për kah cilësia në Evropë.
“Aplikacioni është kompletuar dhe dorëzuar te organizatorët, të cilët brenda dhjetë ditësh pritet të vendosin për përfshierjen e KB Rahovecit në garat kualifikuese,” ka bërë të ditur njoftimi i klubit.
Sidoqoftë, në rast të mos pranimit aty, KB Rahoveci ka edhe opsionin e pjesëmarrjes në FIBA Europe Cup, ku si nënkampione e vendit tonë, i garantohet pjesëmarrja.
KB Rahoveci në sezonin 2018/19, saktësisht në fund të shkurtit përurori palestrën e re në qytet: Mizahir Isma, ku salla thuajse gjithmonë ishte e mbushur, ndërsa ekipi u tregua më i mirë se të gjitha ekipet tjera kosovare, përveç kampionit dhe fituesit të Kupës, KB Prishtina.
