A po kthehet për ndeshjen e pestë?!

Ylli i Golden State Warriors, Kevin Durant, ka treguar se sa po i mungon ekipit kampion, që ka rënë në disavantazh 3-1 në serinë finale të NBA-së dhe është pranë dorëzimit të titullit rivalit, Toronto Raptors.

Torontos i duhet vetëm edhe një fitore nga cilado ndeshje e radhës për tu bërë kampion për herë të parë në histori të klubit.

“Ai na ka katapultuar në dy tituj në dy vitet e fundit. Do të ishte një tregim shumë i mirë po të kthehej dhe të arrijmë përsëri titullin,” ka thënë Klay Thompson, shkruan nba.com.

PLAYOFF SKEMA E NBA

Durant mund të mos jetë në 100%-shin e tij, mirëpo sipas të gjitha gjasave ai do të jetë në bankë dhe mund të kalojë disa minuta në lojë, supozon Shaun Powell për nba.com.

“Plani i lojës ndërron nëse është Kevin aty. Ju adaptoheni në lojë varësisht a është apo s’është ai në ekip. Ndërron matchup, ndërron rotacioni, të gjitha këto…,” ka thënë trajneri i kampionëve, Steve Kerr.

Dueli i radhës zhvillohet në Scotibank të Torontos, në orën 03:00 më 11 qershor.