GAME 1: WARRIORS - ROCKETS
FOTO/ nba
Kampioni del fitues nga dueli i parë
29 April, 2019 @9:59
Njëri prej dueleve më të mirë të gjysmëfinaleve në NBA, Golden State Warriors - Houston Rockets, përfundoi me fitoren e kampionit aktual.
Që të dyja skuadrat nuk u shkëputën nga ndeshja dhe luftuan për fitore deri në fund të ndeshjes, e në fund fitues nga ky dueli dolën Warriorsat, duke e mposhtur Houstonin me rezultat 104-100.
Kevin Durant në këtë ndeshje shkëlqeu me 35 pikë, ndërsa përveç tij edhe katër lojtarë luajtën me pikë dyshifrore.
Me 35 pikë luajti edhe super ylli James Harden, i cili u ndihmua vetëm nga Eric Gordon me 27 pikë dhe Chris Paul me 17 pikë, por për ta mposhtur kundërshtarin nuk mjaftuan performancat e tyre.
Ndeshja e dytë do të luhet përsëri në Oracle Arena të Warriorsave më 1 maj në ora 04:30.
